VisôrAtivitâts

Deskbar:		Applications
Posizion:		/boot/system/apps/ActivityMonitor
Impostazions:		~/config/settings/ActivityMonitor settings

Tu puedis tignî di voli lis risorsis di sisteme inviant il VisôrAtivitâts e ativant i varis elements che ti interessin.

Fasint clic diestri sul barcon tu puedis comutâ la visualizazion di ducj i gjenars di risorsis:
Memorie doprade/In cache, Spazi memorie di scambi, Velocitât/utilizazion CPU, Rêt Ricezion/Inviament e tantis altris informazions tecnichis sot di Elements adizionâi.

Sot dal grafic e je une liende (che si pues platâ dal menù contestuâl). Tu puedis cambiâ i colôrs e chel dal fonts dal grafic strissinant e molant il colôr di cualsisei seletôr di colôrs, p.e. di Icon-O-Matic.

Tu puedis zontâ plui viodudis dal menù File se si jemple masse.

Il menù Impostazions al vierç un panel par stabilî la dade di timp pal inzornament, che in pratiche e je trop svelt che il grafic al à di scori. Tu puedis ancje doprâ la rudiele dal mouse sul grafic par cambiâ in maniere temporanie la velocitât.

Ogni viodude e à la sô mantie pal Replicant e duncje e pues jessi fissade, par esempli, sul Scritori.