Rêt

Deskbar:		Preferences
Posizion:		/boot/system/preferences/Network
Impostazions:		/boot/system/settings/network/

Lis preferencis di Rêt a son l'unic panel par configurâ ducj i servizis e i dispositîfs di rêt disponibii. A çampe si à une liste che si pues striçâ dai tiei dispositîfs e servizis, a diestre si à informazions o impostazions pe vôs selezionade.
In bas tu cjatis une casele di selezion par fâMostre il Stât de rêt tal Deskbar. Torne indaûr al puarte indaûr aes impostazions che a jerin ativis cuant che si à inviât il panel.

Dispositîfs

In cheste figure o viodin i dispositîfs cence fîi, che a doprin il driver iprowifi4965. Dal menù a tende tu selezionis la rêt wireless dulà tacâti. Dopo il non di ogni rêt WLAN (cence fîi), ti ven mostrade une piçule icone che e rapresente la fuarce dal segnâl.
Une volte selezionade la rêt cence fîi, Haiku al cirarà di conetisi in automatic a ogni inviament di sisteme. Selezione Sielç in automatic e lui al cirarà di conetisi ae rêt cence fîi cul segnâl plui fuart lì ator.

Se tu ti stâs conetint a une rêt protete, ti vignarà domandade la peraule di ordin e se permeti chê conession dome une volte o simpri, se chest al è il câs, al salvarà la peraule di ordin in mût di no jessi disturbât plui par inserîle.

I botons sot ti permetin di fâ: Disabilite il dispositîf o Torne a negoziâ la conession.

Sot di un dispositîf tu cjatis une liste di protocoi disponibii, IPv4 e IPv6:

Dal menù a tende tu stabilissis la modalitât par assegnâ i parametris vitâi de rêt: Direzion IP, Mascare di rêt and Gateway. Tu puedis sielzi DHCP par otignî la configurazion in maniere dinamiche de tô rêt (vie router etc.), o specificâju di bessôl selezionant Statiche e fracant Apliche cuant che tu âs finît.

Lis impostazions par un dispositîf tethered (colegât pe condivision de conession) a son similârs, cence il menù a tende pe conession WLAN, logjic.

Servizis

Impostazions DNS

Se tu stâs doprant DHCP la direzion IP par un servidôr DNS e il domini a vegnin dâts de tô rêt (router etc.). Tu puedis zontâ e gjavâ altris servidôrs DNS e decidi la lôr prioritât spostantju sù e jù inte liste cui botons ae sô diestre.
Apliche al ativarà lis gnovis impostazions.

FTP, SSH, Telnet

Haiku al furnìs cualchi servidôr, su di chei tu puedis fâ Abilite o Disabilite. De bande diestre dal barcon, tu cjatarâs informazions su chel particolâr servidôr che tu varessis di lei cun atenzion: Il servidôr FTP e chel Telnet no son sigûrs e no son cifrâts. Come sielte predefinide, a son distudâts e si varessin di impiâ dome se si è cussients dai risis di sigurece.

I file des impostazions

Lis impostazions di rêt si cjatin inte cartele /system/settings/network/. Di solit no ti varès di impuartâ, almancul che no tu vessis di eliminâlis par tacâ dal principi, parcè che dute la configurazion e je lade strucje...

Un file dut câs al pues jessi une vore util, in particolâr cuant che si lavore dal Terminâl. Il file hosts ti permet di definî i alias a specifichis direzions IP inte rêt. Par esempli:

127.0.0.1		localhost	#loopback
192.168.178.3		NAS		#Synology
192.168.178.102		XIOS		#Mediaplayer

In di plui al loopback che al ponte a localhost, jo o ai l'IP dal gno archivi rimot Synology, sot il non di "NAS" e chel dal gno riprodutôr multimediâl sot il non di "XIOS". Par tacâ une session FTP cul gno archivi rimot te rêt, no ai bisugne di visâmi la direzion IP, ma mi baste scrivi:

ftp NAS