installer-icon_64.pngInstaladôr

Deskbar:Applications
Posizion:/boot/system/apps/Installer
Impostazions:nissune


L'instaladôr al ven doprât par copiâ Haiku suntu altri volum. Tu puedis doprâlu par clonâ la tô version di Haiku in esecuion - cun dut il software instalât e ducj i dâts e lis impostazions. E, logjic, tu lu dopris pe instalazion iniziâl dopo vê inviât dal CD di instalazion o de clavute USB, viôt la Vuide online ae instalazion.

Sul moment dal inviament, Instaladôr al visualize un barcon di inviament cun informazions impuartantis. No je une di chês EULA cence sens che tu sês abituât a fâ clic daurman, cheste e aferme:



Une volte che tu âs acetât cun Continue, ti si presente il barcon principâl:

installer.png

Tal prin menù a tende tu puedis sielzi la sorzint di instalazion. E pues jessi la instalazion atuâl di Haiku o e pues rivâ di un CD di instalazion o une unitât USB, e vie indenant.
Il secont menù a tende al specifiche la destinazion de instalazion. Cheste partizion/volum di destinazion a vignarà sorescrite dal dut e e à di sei preparade in anticip cuntun strument di partizionament come GParted.

Fasint clic sul piçul widget par pandi Mostre pachets opzionâi, se disponibii, tu podarâs sielzi di instalâ pachets adizionâi al sisteme Haiku di base.

Tu varessis di fâ un ultin control se tu âs sielt la juste destinazion prime di tacâ il procès di instalazion. Fâs clic su Configure partizions... par vierzi Gjestion disc e vê une viodude sui nons e la disposizion dai volums e des partizions disponibii.

Scomence al tache la procedure di instalazion, che di fonde al copie lis cartelis /home/ e /system/ sul volum di destinazion e lu rint inviabil.

index Struments

Ae fin de procedure di instalazion, la partizion e ven rindude inviabil in automatic. Dut câs, al pues sucedi che cualchi altri sisteme operatîf o strument di partizionament (par erôr) al sorescrivi il setôr di inviament dal to volum di Haiku. In chest câs, invie il to CD di instalazion e fâs partî l'Instaladôr. Selezione la partizion di inviament di Haiku dal menù Su : Sielç la destinazion e selezione Scrîf setôr di inviament dal menù Struments par rindilu di gnûf inviabil.

L'altri element tal menù Struments al Configure il menù di inviament, chest al met un menù tal setôr di inviament cussì di podê sielzi cuâl sisteme operatîf inviâ. Viôt l'argoment BootManager (Gjestôr di inviament) par vê plui informazions.
Nol covente eseguî il Gjestôr di inviament se tu dopris za un gjestôr di inviament come GRUB, in chel câs tu âs di zontâ Haiku a man (viôt parsore) opûr te to machine al zirarà dome Haiku.