Tabele
Benvignûts su Haiku!
Cognossi il sisteme
Sta atent ai erôrs
Instalâ Haiku e inzornâlu
Instalâ gnûfs programs
Un Haiku localizât
Wifi in Haiku
Cognossi la API
Metisi in contat

Benvignûts su Haiku!

Graciis par vê decidût di provâ Haiku! Cheste e je la nestre setime publicazion pal public. O sperìn di tirâ dongje gnûfs disvilupadôrs pal nestri progjet e dâ une pussibilitât ai utentes di provâ Haiku. Ancje se cheste tierce publicazion beta e inclût dutis lis funzionalitâts principâls planificadis pe publicazion finâl di Haiku, e à ancjemò tancj erôrs e cualchi detai di rifinî. Dut câs, o pensìn che al è pussibil doprâ avonde ben cheste publicazion, o sperìn che us permeti di scuvierzi il grant potenziâl di Haiku e che o condividedis la nestre passion.

Visite il sît web dal progjet Haiku-os.org pes ultimis gnovis e pai comunicâts.

index Cognossi il sisteme

Cundut che lis primis publicazions di Haiku a saran une vore similis a BeOS R5, il sisteme operatîf che si sta tornant a implementâ, a 'ndi son tantis di zontis e mioraments che a son stâts svilupâts dal grup di Haiku in chescj agns. Duncje, che tu sedis un utent che al doprave BeOS o che tu sedis un gnûf utent, da un cuc a chescj colegaments:

Vuide Rapide di Haiku

Vuide Utent di Haiku

Par vê plui jutori intertîf e supuart, devente part de comunitât di Haiku e partecipe ai nestris forums e canâi di chat.

index Sta atent ai erôrs

O ven lavorât fuart par comedâ erôrs critics potenziâi, dut câs, jessint une publicazion beta, pal sigûr a'nt saran ancjemò di discuvierzi.

O disconseìn di doprâ lis versions beta tant che sistemis di produzion. I tiei dâts a podaressin vignî modificâts, alterâts o adiriture distruts. Ten simpri copiis di backup inzornadis!

Une des resons principâls par publicâ une version beta e je chê di tirâ dongje plui personis tal provâ il sisteme e scuvierzi erôrs o dâ sugjeriments par mioraments futûrs. Par plasê, segnale i erôrs e i mioraments tal nestri bug tracker, dopo vêju cirûts cu la sô funzion di ricercje, cussì di evitâ doplons.

index Instalâ Haiku e izornâlu

Se no tu lu âs za fat, la nestre Vuide ae instalazion online e spieghe cemût preparâ une partizion e instalâ Haiku sul to disc fis.

Inzornâ Haiku cussì come i pachets di tiercis parts al ven fat cu la aplicazion SoftwareUpdater. Cuant che al finìs, torne invie.
Par vê plui detais, viôt la vuide Inzornâ e degradâ il sisteme sul nestri sît web.

index Instalâ plui programs

La plui part dal software disponibil al pues jessi discjariât e instalât cu la aplicazion HaikuDepot distribuide cun Haiku.
Par vie de nestre compatibilitât a nivel binari e di sorzint, la plui part des aplicazions di BeOS a zirin su Haiku. Tantis di chês a son stadis impachetadis di gnûf par Haiku o a zirin ancjemò cence ve vût modifichis. Tu cjatarâs plui informazions su ce mût instalâ i gnûfs programs intal cjapitul de vuide utent su Aplicazions.

A son diviersis colezions di programs basadis su la comunitât. Viôt la pagjine Sîts dai software sul nestri sît web.

index Un Haiku localizât

Haiku al è stât voltât in dozenis di lenghis e al supuarte une schirie di mapaduris di tastiere. Cuant che si invie Haiku pe prime volte tu puedis stabilî la lenghe e la mape de tastiere. Al è pussibil cambiâ chestis impostazions in cualsisei moment cu lis preferencis Localizazion e Mape tastiere.
La aplicazion HaikuDepot e ufrìs un ciert numar di metodis di input pal Cinês, Gjaponês e pal Corean di discjamâ e instalâ.

index Wifi in Haiku

Haiku al supuarte lis rêts cence fîi che a son cifradis WEP o WPA/WPA2 e, logjic, lis conessions viertis cence cifradure. Par vie des diviersis e diferentis politichis des licencis di diferents produtôrs di hardware, e podarès coventâ un procès di instalazion manuâl pal firmware. Tu cjatarâs plui informazions sul hardware supuartât, la instalazion dai firmware e ce mût unîti a une rêt cence fîi te Vuide pal utent di Haiku Laboratori: rêts cence fîi.

index Cognossi la API

Stant che Haiku e je un re-implementazion, la API e je simpri chê di BeOS R5 (cun cualchi zonte). Duncje la documentazion in Be Book e je ancjemò une risorse valide. Ringraciant ACCESS, che al à i dirits ae vecje proprietât di Be Inc., o vin il permès di furnî une copie di Be Book.
Deviazions de API di BeOS e lis specifichis zontis di Haiku a son colezionadis intal Haiku Book.

A son risorsis che a varessin di judâ a scomençâ:

index Metisi in contat

Metiti in contat cui altris disvilupadôrs e utents e jentre tes discussions su IRC (#haiku on webchat), tai nestris forum o tes mailing list. Cuant che tatis personis diferentis si metin adun, si à di stabilî regulis par vê une comunicazion che e rindi. Par plasê rispiete la nestre Etichete de Mailing List.